54 A - Shri Ramayan Sumirni in Hindi

श्री  रामायण जी कि  सुमिरनी

जो सुमिरत सिधि होइ, गन नायक करिबर बदन
करउ अनुग्रह सोइ, बुद्धि रासि सुभ गुन सदन (RCM 1/1)
           मूक होइ बाचाल, पंगु चढइ गिरिबर गहन
           जासु कृपाँ सो दयाल, द्रवउ सकल कलि मल दहन (RCM 1/1)
नील सरोरुह स्याम, तरुन अरुन बारिज नयन
करउ सो मम उर धाम, सदा छीरसागर सयन (RCM 1/1)
           कुंद इंदु सम देह, उमा रमन करुना अयन
           जाहि दीन पर नेह, करउ कृपा मर्दन मयन (RCM 1/1)
बंदउ गुरु पद कंज, कृपा सिंधु नररूप हरि
महामोह तम पुंज, जासु बचन रबि कर निकर (RCM 1/1)

बंदउ  मुनि  पद  कंजु, रामायण  जेहिं निरमयउ।

      सखर  सुकोमल  मंजु, दोष  रहित  दूषण  सहित  (RCM 1/14)

 बंदउँ चारिउ बेद, भव  बारिधि  बोहित  सरिसा

जिनही  न  सपनेहुँ  खेद, वरनत  रघुबर बिसद जसु (RCM 1/14)

बंदउँ बिधि पद रेनु भव सागर जेहि कीन्ह जहँ

      संत सुधा ससि धेनु प्रगटे खल बिष बारुनी (RCM 1/14)

बंदउँ अवध भुआल सत्य प्रेम जेहि राम पद

बिछुरत दीनदयाल प्रिय तनु तृन इव परिहरेउ (RCM 1/16)

प्रनवउँ पवनकुमार खल बन पावक ग्यानधन

      जासु हृदय आगार बसहिं राम सर चाप धर (RCM 1/17)

दोहा

बिबुध बिप्र बुध ग्रह चरन बंदि कहउँ कर जोरि

होइ प्रसन्न पुरवहु सकल मंजु मनोरथ मोरि  (RCM 1/14)

गिरा अरथ जल बीचि सम कहिअत भिन्न न भिन्न  

बदउँ सीता राम पद जिन्हहि परम प्रिय खिन्न (RCM 1/18)

याही  समय  सुमिरन  करू , सुनहु  वीर  हनुमान

आएके  आसन  लीजिये , सिया  सहित  भगवान् (No Reference found)

सुमुध  सुगन्धित  सुमन  लै , सुमन  सुभक्ति  सुधार

पुष्पांजलि  अर्पण  करू , देव  करो  स्वीकार … (No Reference found)

सिया  वर  राम  चन्द्र  की  जय