Hamaare Granthon mein do logo ke kartavya ko badi kadi bhasha mein bataya aur samjhaya gaya hay.
Ek to gyaani Brahman ko kaise rahna chaahiye, kaise nahi rahna chaahiye, aur doosra ek kulwanti naari ka dharma kya hay, kaise rahna ya na rahna chaahiye !
Jiwan mein gyan (from Gyani Brahman & Guru Jan) ke saath saath Sanskaar aur Sabbhyata (from Mata ji) ka hona bhi ati awashyak maana jaata hay.
Pita Ji ka kartavya, aacharan ko Ved Puraan mein utni gambhirta se, kathorta se nahi bataya gaya, jitna Naari dharam par zor diya gaya hay. Sadhu, Sant, Gyani jan ka vichaar hay ki ghar ki naari hi apne ghar pariwaar ko sanghtan mein baandh sakti hay ya phir, akele hi, saare ghar pariwaar ko naash kar sakti hay !
Isi liye har shaadi se pahle, aur shaadi ke baad, pariwaar ke sabhi bade boodhe gyaani jan (amma, mausi, mami, dadi), hone waali dulhan ko acche seekh, vichaar, gyan dete hay. In the olden days the Bhauji used to tell her about the “birds & the Bees”, but nowdays it seems unnecessary !
This beautiful kavita from an unknown kavi, fully captures the woman’s role in society….
Dhrut naya, Dhaan purane, Ghar kulvanti naar;
Aangan aangan baalak khele, "SWARG" nishaani chaar.
Rookhe bhojan, Karj sar, Ghar kulakshani naar;
Rookhe bhojan, Karj sar, Ghar kulakshani naar;
Aawat ka aadar nahi "NARK" nishaani chaar.
Dhrut – Ghee, Doodh, Dahi (Purity, shudhata)
Dhaan – Rice from the family farm
Kulvanti – Well mannered, kind, respectful, respectable
Baalak – children, (not to be confused with a male child)
Swarg – happiness, Param-anand, Khushi
Rookhe bhojan – Food prepared without love, served without a smile
Karj sar – Having credits and loans beyond your capacity to pay
Kulakshani – Ill mannered, rude, uncultured
Meaning:
Jis ghar mein roz doodh dahi hota ho, shuddh badhiya bhojan milta ho;
Jis ghar mein pichle saal wale dhaan khatam hone se pahle, naya dhaan katne lage – yaane khaane peene ki koi kamee nahi;
Jis ghar ki Naari kulwanti ho, sanskaar aur sabbheta se puran ho, Acche vichaar, acche aacharan waali ho, doosron ki izzat karna jaanti ho, aur jis ki apne ghar-pariwaar mein izzat kiya jaata ho;
Jis ghar ke aangan mein baal bacchon ki kilkaariyan goonjti ho; Bacche izzatdaar ho, sanskaari ho, aur bacchon ki izzat kiya jaata ho.
Wo ghar is dharti par SWARG se kam nahin hay.
Us ghar mein Khushiyaan, Shanti, Gyan, Vairaag, Anand – sada niwaas karenge.
Jis ghar mein khaane peene ki cheezon ki kami nahi hay, par bhojan pakaane mein, parosne mein koi preeti nahi ho, koi muskuraahat nahi ho, koi khushi nahi ho. Bartan (utencils) ka kharkhadana sitting room tak sunaata ho !
Jis ghar mein karz (loans) sar se upar ho, yaane credit card ka repayment karna mushkil ho, apne aamdani (income) se jyaada kharch kiya ja raha ho. Dikhaoti mein, competition mein, padosi ya rishtedaaron se compete kiya jar aha ho !
Jis ghar ki naari ku-lakshani ho, yaane bure lakshan waali ho. Ghar ki safaai, pariwaar ki khushi se jyaada fashion par dhyan ho ! Aachaar aur vichaar acche na ho.
Jis ghar mein aane waale atithi, paariwaarik jano ka aadar nahi, gao padosi doston ka swaagat nahi, bade boodhe guru-jan ko saadar pranaam nahin;
Guru Jan kahte hay ki aisa ghar NARK se kam nahi hay. Jhagda, dukh, bimaari, talaaq, Ashanti aise ghar ko chord kar jayegi hi nahi !
NOTE: There is no mention about the humble husband anywhere ?
Hamaare Guru Jan ki Jay Ho !
Guru Ji baar baar samjha rahe hay, bata rahe hay, gyan baat rahe hay, lekin mere mun mein utna hi gaya jo mere choti buddhi samajh saki
So I can, and I will, only tell you what I have understood. This may not be the best you have heard, please forgive me and my little brain !
No comments:
Post a Comment